JMR

猜猜是甚麼3 - 護髮素

猜猜是甚麼3 - 護髮素

除左用左迷迭香後

我地加左
絲蛋白
佢可以減少靜電既產生, 令頭髮更加易梳, 防止開岔
同時佢可以係頭髮上形成保護膜, 減低外界既污染物同紫外線既傷害

椰子油
令有結構好細既脂肪分子好似月桂酸, 唔會好厚重但又好易吸收, 可以鎖住水分

氨基酸保濕劑
有吸收水分既作用, 可以為頭髮保濕同埋帶黎潤滑感

荷荷巴油
同樣都係保濕, 並且可以滋潤及柔軟髮膚
可以調理過油既頭髮

我地叫佢做Wireless 無線護髮素
因為用左佢之後無哂毛燥, 無哂天線

#敬請期待
#等了又等
Read more →

猜猜是甚麼2

猜猜是甚麼2

承上一個post
我地終於可以用上自家種既迷迭香黎做新產品

咁究竟迷迭香係度又發揮緊咩功效?
抗氧化及可以防止自由基對頭皮既傷害
含有豐富既油酸及維他命E
可以改善乾燥受損問題, 同時促進頭髮既生長, 改善甩頭髮既情況
仲可以平衡油脂分泌

講到咁, 係人都知道同頭髮有關啦
新產品係護髮素

#應該會係4月底出
#除左迷迭香仲有好多其他材料
#之後再慢慢講
#真心被追左好耐啦
Read more →

猜猜我是誰

猜猜我是誰

大家都知我地有自家種金盞花同左手香
咁仲估唔估到有一樣野我地都種左幾年既係咩?
就係圖中既有機迷迭香

最初種既原因係見到人地種
勁爆香
個種香味係你摸一摸都會留哂香味係手好耐都唔會散
係市面上點搵都唔會搵到
所以求左主人俾左一支我
我自己接枝咁種上去
真心種左幾年都無種到好大棵但都會不時收下 (因為要繼續接支再分株)

收左之後就做浸泡油
一直浸浸浸
當初都未諗到會用黎做咩產品
但今年我地諗到啦
😌😌😌

#賣下瓜子先
#依個產品都排左2年隊以上
#不時都會有人問下有冇依樣野賣
#已經進入最後階段
#名都改埋印緊貼紙
#一早做好準備係無死既
#種左幾年終於有用得上既地方
Read more →

你今日飲左未

每日我都需要最少一杯咖啡
雖然唔係專家 但係屋企我地都會自己用半自動去沖
當然拉唔到花但起碼算飲得入口

所以每次去唔同地方旅行
都一定會去唔同咖啡店買下咖啡豆
(係 我認 我地有懶勁買埋磨豆機)
個人喜好唔鍾意太酸帶點朱古力味最好
有朋友在英國工作介紹左一隻超好味既咖啡豆俾我地
超級香超岩我地口味
不過只能靠朋友英國帶番黎

香港黎講我都真係幾鍾意 %
最愛佢杯Spanish latte
見佢個名咁型以為又咩特別
其實只係latte + 煉奶
另外其實7-11都性價比高

咖啡除左又香又提神又可以用黎呃like外
我地連咖啡渣都用黎做阿信的皂 (家事皂)
有效去油除味又環保

$38/100g

#而家仲會用埋自家咖啡渣添
#循環再用感覺良好

Read more →

有磁性蚊磚強勢回歸

有磁性防蚊磚

夏天除左為大家帶黎左美腿
仲為大家帶黎好多汗水、好多蚊
每年4月開始
我地既細蚊磚就會重新上市

首先我地既防蚊磚係咩黎?
防蚊磚係天然既產品, 靠用氣味去趕走D蚊
我地用上兩隻唔同既精油 - 檸檬草及檸檬尤加利
用到最高用量再加有機檸檬草去製造
非常足料
(但請僅記此乃天然產品, 並沒有毒, 係唔會整死D 蚊既)

咁你粒細蚊磚有咩特別呀?
我都有90%夠膽講依粒有磁性蚊磚係我獨家+第一個做
入面係有磁石架, 除左可以一般使用外仲可以磁係雪櫃白板番工既partition
以前做非常o徙時間, D磁石成日痴黎痴去, 搞到D 蜂蠟成日彈出黎 
因為一定要用強磁, 唔係就會無磁力
最難既係係邊個位置放磁石, 放完後要加幾多蠟先可以唔露底但又有磁力
手作既最高學問呀, 真係要俾個叻自己

大蚊磚係白色但細蚊磚係黃色, 有咩分別?
你睇下細蚊磚係咩樣?
哈哈笑黎架麻, 梗係要做黃色啦
我地係用護膚品級別既色素, 無毒的

#記住屋企既鋁窗係鋁做既
#鋁質係無磁性架

 

 

Read more →

JMR Happy 4

今年皂乜呀JMR 4歲啦 #長文慎入

過左4年回望一下
究竟點解會走左依條不歸路?
最初既原因係唔想打工
唔想理所謂既辦工室政治唔想扮見唔到人面獸心既人
口裡講著客氣說話心入面想你死背後再插你幾刀
我諗依個係主因

咁點解要做護膚品天然野做手作?
成世仲最大興趣就係扮靚, 令自己變靚
以往做野既經驗/關係絕對可以令自己行一條更易既路
但如果要賣一d會大賣但自己都唔會用既產品
實在唔係我本意
我唔係想同你講我好高尚
我好想賺大錢但都好想對得住良心對得住人對得住地球

做得唔係最好寧願唔賣係我地原則
價錢合理希望各階層都可以用到亦係我地理念

好多人同我地講我地訂價唔合理
又要自己做自己送貨仲自己種埋花

護膚品同食品一樣
原材料同食材要新鮮一樣重要
我地係唔同國家入口原材料
有時為左減成本仲要朋友係外國幫手運番黎

點解要自己種?
試過買外國的有機花, 本地農夫既自家種
但就係同自己種既有分別
我地想追求最好既品質有錯嗎?

有時聽到真係好氣餒
可能有d堅持係好on 居
但我地還是我地
如果要我地屈就
我寧可戰死

致JMR
4歲啦
我地一定會儘全力保護你既堅持同理念
堅守到最後一刻
生日快樂

 

Read more →

你夠唔夠薑

你夠唔夠薑

<重量題>
辣薑皂係我地一開舖就有既產
最初要做係因為身體好多朋友都開始生小朋友
成日要搵薑產品而做
(除左薑皂我地仲有做薑皮艾葉浴包, 又有薑寶寶系列)

曾經嘗試過自家種
但發現收成唔多花期長外,最重要係薑都唔夠辣唔夠靚
我地都認真花過一段時間先搵到一間舖頭
薑靚之餘仲有穩定貨源
(穩定貨源好重要, 有時有d舖頭夏天無薑賣)

每次做薑皂前準備功夫同左手香一樣咁多
洗薑、風乾薑、去皮、切粒、磨汁、再將薑皮薑渣風乾、風乾後再打粉待用
每每做完隻手都會辣好耐、發滾
一唔小心捽眼, 連眼都辣埋 (我經常係咁)

估下今次依度有幾多薑?

 

 

##14斤

Read more →

左手香爆哂棚 - 農夫唔易做

左手香爆哂棚 - 農夫唔易做

咩叫爆棚?
我地自家種既有機左手香真係爆哂棚(有圖有真相)

左手香天氣愈熱生長得愈快
所以有時冬天天氣太凍
我地左手香生長速度放緩, 唔可以隨意收割
左手皂就可能會出現斷貨既情況

每次準備左手香都會攰到癲
首先要去農場收割
用最短既時間番去清洗乾淨,洗清所有泥呀, 清除所有枯葉枯枝
跟住再將樹葉樹枝剪成細份
用攪拌機將佢地打爛哂再壓番D 汁出黎
全部程序一定要同一日入面進行
因為由你剪左佢個一刻開始, 佢既汁已經會慢慢流失
成件事係同時間競賽

如果我hea 做, 佢流失哂我種咁辛苦黎為乜
步驟點都係咁多, 如果唔自家種D 靚野, 點值得我咁辛苦

好多時看似簡單, 但其實每一步都好花時間好花人工
雖然左手香都算係野草, 好易種
但要種得多種得靚, 其實都要施肥同插枝

#農夫唔易做

 

Read more →